Fitaccen malamin addinin Musulunci kuma jagoran Ɗarikar Tijjaniyya a Najeriya, Sheikh Dahiru Usman Bauchi, ya rasu a daren Alhamis bayan dogon jinya na tsawon lokaci sakamakon tsufa
Ɗaya daga cikin ƴan uwa na kusa, M. Daha Azhary Bauchi, ya tabbatar da rasuwar, yana cewa: “Innaa lillahi wa innaa ilaihi raaji’un… Maulana Sheikh Dahiru Usman Bauchi ya yi wafati yau Alhamis 27-11-2025. Allah ya bamu albarkansa.” Wani almajirinsa, Malam Garba, shima ya tabbatar da labarin.
Sheikh Dahiru Bauchi, wanda ya rayu tsawon kusan shekaru dari, ya shahara wajen karantar da Al-Qur’ani, da gina ɗarikar Tijjaniyya a Najeriya da ƙasashen maƙwabta. Miliyoyin mabiyansa suna ɗaukarsa a matsayin ginshiƙi wajen yaɗa ilimin ɗariƙa.
Ana ci gaba da shirya jana’izarsa a wannan lokaci, kuma za a sanar da cikakkun bayanai nan gaba.
Za mu’ kawo karin bayani nan gaba.
