Rahotanni daga jihar Kano na bayyana cewa masu sayar da Gurasa na zanga-zangar lumana kan tsadar Filawa.
Gidan Rediyon Freedom ya wallafa hotunan matan da ke zanga-zangar lumanar dauke kwalaye masu rubutun da ke bayyana halin da su ke fuskanta.
Zanga-zangar lumanar na zuwa ne a daidai lokacin da buhun fulawa ya tashi daga N35,500 yanzu ya koma N44,000.
Tashin kayan masarufi ya munana a Najeriya cikin kwanakin nan.
Lamarin ya ƙazance ne sanadiyyar wasu daga cikin shirye-shiryen da gwamnati ta ɓullo da su, kamar na cire tallafin man fetur.
