Labarin da ke fitowa daga BayArena na Bayer Leverkusen da ke buga gasar Bundesliga a Jamus, ya nuna cewa dan wasan Super Eagles na Najeriya Victor Boniface da zai dawo taka leda kafin karshen shekara.
Boniface ya samu rauni ne a lokacin da yake sansanin Super Eagles da ke shirin tunkarar gasar cin kofin Afrika ta 2023.
Bayan an yi masa tiyata cikin nasara, dan wasan ya fara atisaye domin murmurewa.
Sabon bayani daga likitocin kulob din sun nuna cewa Boniface zai dawo ranar 30 ga Maris a karawarsu da Hoffenheim ko kuma 3 ga watan Afrilu a wasansu da Fortuna Dusseldorf.
Boniface ya ci kwallaye 10 a wasanni 16 kafin ya samu rauni.