Gwamnatin tarayya ta haramta amfani da robobin ‘Take Away’ a duk ma’aikatun gwamnati (MDAs).
Mazubin wanda ya kasance ana amfani da shi ne na lokaci ɗaya daga nan amfanin sa ya ƙare.
Da yake jawabi ga manema labarai a majalisar zartarwa ta tarayya (FEC), a yau Talata, karamin ministan muhalli, Iziaq Adekunle Salako, ya ce dokar hana amfani da mazubin an ƙaƙaba ta ne don tafiyar da tsarin dq gwamnatin tarayya ta yi na ƙoƙarin sarrafa yawaitar bola.
Ya ce, “Wannan yunƙurin yana nuna ƙudurinmu na magance barazanar sauyin yanayi,mutuwar ƙananan halittu da kuma magance ƙazanta”.
- An Sake Zaben Tinubu A Matsayin Shugaban ECOWAS
- Yarjejeniyar Samoan: Gwamnatin Tarayya Zata Maka Daily Trust A Kotu
- Kotu Ta Umarci Sadiya Umar Farouq Ta Yi Bayanin Yadda Ta Raba N729bn Ga Talakawa Miliyan 24.3 Cikin Wata 6
- Mata Da Miji Masu Safarar Ƙwaya Sun Shiga Hannun NDLEA
- NYSC : Gwamnatin Tarayya Za Ta Ƙarawa Masu Yiwa Ƙasa Hidima Alawus
Ministan ya bayyana tsananin gurbacewar da amfani da mazubin Take Away ya jawo a Najeriya, inda ya bayyana hakan a matsayin “babban al’amari da ya dame mu a kasarmu”.
Ya kuma ce haramcin yin amfani da mazubin a ma’aikatu shiri ne na tunkarar yawaitar amfani da robobi a fadin ƙasar nan.
